السلام عليكم ورحمة الله وبركاته
أزيكم أصدقائى أتمنى ان الكل يكون بخير
من جديد انا حبيت أطرح موضوع كنت حابب أعرضه من وقت طويل بس مكنتش الطروف مناسبه
بس أنا فعلا حابب اطرحه الأيام دى عليكم وبقوة ونفسى أشوف رد فعلكم ورأيكم ووجهة نظركم معايا وانا شايفه موضوع
استثنائى ع الكل انه يعبر عن رأيه ونفسه فيه
الموضوع هو :
الحب مابين ( نص حالة .. و.. خيط ضعيف )
دول طبعا أغنيتين بس أنا شوفتهم بيعبروا تقريبا عن واقع حياتنا فى الحب وعن اللى دايما بنقوله
أولا اللى حابب يحمل الأغنيتين يحملهم وانا جددت فيهم بحيث ان اللى يسمعهم يحس انه بيسمع الأغنيتين لأول مرة :
لتحميل أغنية أصالة ( نص حالة ) :
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
لتحميل أغنية جنات ( خيط ضعيف ) :
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
ياريت نحملهم ونسمعهم ونعيش الأحساس اللى بداخلهم ونفكر فى الكلام كويس قوى قوى
" نص حالة "
اللى بنا نص حالة نص للحب اللى يمكن نصها التانى أستحاله .. استحاله
استحاله نرتبط أبدا ببعض كل مانحاول نقرب نلقى بعد
زى مايكون اللى بنا شىء غريب لعنة الحب اللى بتزل الحبيب واللى بنا نص حاله
واللى عشنا العمر نحلم بيه نلاقيه بين ايدينا ولسه بندور عليه زى كدبه عايشه جواها الصراحه
نص ضحكه .. نص فرحه .. نص راحه
نص حاله .. نص للحب اللى يمكن .. نصها التانى استحاله .. استحاله
" خيط ضعيف "
فى خيط ضعيف رابط مابنا وده النصيب هتخاف عليه هخاف عليه هتسيب هسيب
لحد أمتى هخاف لوحدى ياحبيبى .. الخيط خلاص مابقاش متحمل رعشة ايدى
لو انت موش عايز نهاية .. ولسه هماك الحكايه صبر قلبى بلمسة احس ان انت قريب
انت الشمس بس خلاص قربت تغيب
حاجات كتير سبناها ضاعوا خلاص بقوا ذكريات وسنينا اللى تعبناها مفضلش منهم غير لحظات
لحظات بتهدد حكايتنا لا نحن لا نعلن نهايتنا
بايديك الخيط يقوى فى لحظة والجرح يطيب
لو تضعف واضعف ونسلم وتسيب وأنا أسيب
فى خيط ضعيف رابط مابنا وده النصيب هتخاف عليه هخاف عليه هتسيب هسيب
لحد أمتى هخاف لوحدى ياحبيبى .. الخيط خلاص مابقاش متحمل رعشة ايدى
-----------------------------------
ونرجع موضوعنا :
ياااااااااه بجد ع الأحساس أحساس وشعور صعب موقف ممكن نواجهه تخيل لو الرساله دى أتوجهت ليك ولقيت الحب
بيتحول للمعانى دى ولقيت نفسك بتعيش الواقع ده
انا واحد من الناس مكنش فى دماغى أسمع الأغنيتين دول بجد كنت لما بسمعهم بحس بشعور مخيف بحس ان فى ظلام وسكوت أشبه بفيلم رعب بجد شعور صعب أنه يتحس بس لو قولت انه فعلا كل كلمة سمعتها بتحقق او ع الأقل حصل
معايا الموقف ده كتير ان الاقى الحب بيكون مابين ( نص حاله و خيط ضعيف ) ولما حد أهدالى كلمات الأغنيتين دول
وقالى ركز فيهم قوى حسيت حاجات مختلفة حسيت قد ايه الواحد عليه حمل وعبء مسئوليه تجاه اى حد بيحبه
وحسيت كمان معنى الحب اللى هو المفروض يبقى شىء واقعى موش مجرد كلمة تتقال وبس لاء كلمة تتقال فى النور
الكل يبقى عارفها وشاهد عليها
معنى الحب انك تكون قد الحب وانت مقبل عليه وانك لما تقول بحب تبقى قد الكلمة دى وتخاف على اللى بتحبه وتكون
شمسه وتكون قمرة ومتغبش عن حياته دايما معاه وتثبت دايما للعالم كله انك قد حبه
والحب من غير كل ده بيبقى ( نص حاله وخيط ضعيف )
انا لحد الوقتى بيحصلى حاجه فعلا لما بسمع الأغنيتين دول ياريت تشاركونى رأيكم ووجهة نظركم
اكيد كتير سمع الأغنيتين دول واللى مسمعش ياريت يحملهم ويقول رأيه
حابب ان الموضوع يبقى قوى فى كل شىء فى المعنى والكلام والأحساس بجد انا شايفه موضوع مهم جدا جدا
ممكن يكون أغنيتين بس أختصروا فى كلماتهم كثير من القضايا المهمه فى الحب
أحدث الصور
