الحب يا صاحبى
*****
الحب دايما فوق سلاطين الزمان
لا ملوك تقول نقتله أو يسجنه السجان
الحب يا محترم بيحطم الجدران
بيذل تاج الملك ويفوت على السلطان
*****
ش
الحب طول الزمان مالهوش زمن محدود
نلقاه فى نسمة أمل فوق الخدود موجود
وبين ضلوع الولد يكبر وفاء وحنان
لا ملوك تقول نقتله أو يسجنه السجان
*****
الحب لما انسجم ويا الحبيب هناه
خلاه يحب الغزل يعشق ويتمناه
ووهب له من رقته نغمة من الألحان
لا ملوك تقول نقتله أو يسجنه السجان
*****
الحب يا محترم بيعين كل العشاق
يخفف عنهم الألم لو صحيت الأشواق
الحب هو العلم فوق مجلس الأيام
إصحى حبيبى أحسن عزولنا قام
ده الحب دايما فوق سلاطين الزمان
لا ملوك تقول نقتله أو يسجنه السجان
أحدث الصور
