تعرف ايه انت عن الحب !؟
تعرف ايه انت عن الحب
اذا انت اساسا فاقد القلب
ومش بتفرق بين البعد والقرب
تعرف ايه عن سهر الليالي
وانت بعت العزيز والغالي
وضيعت احلامي وامالي
جاي تقول بحبك اكثر من نفسي
وانتي كلامي وسكوتي وهمسي
ابعد بقى مش عيزاك في حياتي
مش عايزة ارجع لدموعي واهاتي
انا نسيتك وشلتك من حساباتي
فاكر زمان لما وعدتني بالحب والحنان
فاكر لما حلفت انك هتكون بر الامان
وانك مش هتسبني لغدر الزمان
كلامك طلع كذب ووهم
وعشت جنبك معاك كل الالم
ومعاك عرفت معنى الحسرة والندم
مهما توعد وتحلف وتقول
انت هتفضل خاين على طول
جرحك عايش جوايا مش هيزول
الايام دوارة يا انسان
الخائن فيها هيتخان
وهينحرم من طعم الحنان
كان ناقصك ايه وانت معايا
عشان تبيع حبي وهوايا
انت كنت حبيبي ودنيايا
ياما جيت على نفسي وانا معاك
كنت بحارب عشانك كنت شرياك
كنت بقول انا مش هعيش من غير هواك
اتاري العمر هيحلى من غيرك
وانا هكون ابعد من تفكيرك
حاول انت بس تواسي ضميرك
تعرف ايه انت عن الحب
سؤال على بالي وجوا القلب
لكن انت مش تعرف في حياتك غير الكذب
صعبان عليا من الي مستنيك
عمرك ماهتلاقي حاجة تهنيك
وهتعيش تندم عليا طول لياليك
هتحتاج قلب يحبك ويواسيك
الناس كلها هتبيعك وهترميك
مش هلاقي حد يفرحك من الي حواليك
أحدث الصور
