بدون مقدمات
كيف ارسم البسمه على وجه الحزن
كيف اسمع الفرحه بانغام الشجن
كيف اكون انسان يعرف طريقه
كيف تضحك عيون بدمعها غريقه
منك تعلمت
معنى الحب
وروعة القرب
قيمة الكلمه
ضاع الاحساس
خايفه تلفض الانفاس
منك تعلمت
كيف ارجع للطفوله
مع ضحكه منك خجوله
تاخذني بعيد ....ابعد
ابعد من كل الاماكن والازمنه
ابعد من خيالٍ كنت بايدي اسجنه
كنت خايف
ياخذني خيالي بعيد
كنت خايف
يعذبني حبٍ جديد
منك تعلمت
ان الحب هو الحقيقه
واللي خذاه مني زماني ممكن يعيده
ان الامل ماله نهايه
وان احساسي فيك كان البدايه
حزني يروح
وألمي يروح
وانسى كل الجروح
وتبقى نظرة عيوني بحبك تبوح
منك تعلمت
كيف على اوتار الحرف اعزف
كيف افرح لا صار القلب ينزف
كيف آصل معك لحد الجنون
كيف تلغي الضحكه كل الشجون
سنين عمري تمر
واحسبها بلحظاتي معك
مافيها شي ٍ يسر
من دنيتي قانع
وجوي اليوم رائع
اموت وانتي معي
صوتك يسكن مسمعي
كلي رضا
حزني مضى
احساسي دفا
نبضي العطا
قلبي من كل هالحياه اكتفى
منك تعلمت
كيف اعشق وكيف اهوى
منك تعلمت
كيف دنيتي من غيرك ولا تسوى
انتي العشق
وانتي الاحساس
وكل شوقي وكل الناس
يا حبي الحاضر
وياماضي امنيات الحب
يابهجة الناظر
ويافرحة نبضة القلب
منك تعلمت
كيف اني اكون انسان
منك تعلمت
كيف انهي رحلة الحرمان
اكتبيني حب
وبكتبك نجمه بعيده فوق
ارسميني قلب
وبرسمك ورده ريحها ذوق
مع كل الالم
احبك
مع كل الامل
احبك
مع كل الوجود
احبك
احبك ....احبك....احبك
أحدث الصور
