ياحروف الشعرقولي بلغي وانتي رسولي:مالقيت انسان حولي ازهمه يفهم كلامي
واعذابي ايش اسوي ضعت والدرب امتلوي:كدر الخداع جوي وأختفى طيرالظلامي
جاهل ٍ ما فيه شيمة ماعرف لناس قيمة : جنحةٍ والا جريمة يلحقه منها ملآ مي
اهتويـنا وانتهـينا لاسقاه الله علينا : فعلة المغرور فيـنا حرها قـص العظامي
نشتكي تطلع كبيره ننتظر ميّت ضميره : سلطته مافيه غيره أدعاء قاضي محامي
لعن ابو قلب ٍ يحبه ما نسى الجاهل وكبه :لين طحنا في مطبه رمية من غير رامي
خطته مرت سريعه كل مطلوبه نطيعه :ما دريت انها خديعه ضرب من تحت الحزامي
وهـقوني وخدعوني ياهل العرف أنصفوني : جنت الحيرة جنوني باعنا والجرح دامي
ما بقى باليد حيله راح والقصة طويله :عنده الحل ودليله قالوا احلف للحرامي
حسبي الله واسمعيها يا بلابل ردديـها : قدرت القادر عليها ينتـقم شد انتـقا مي